*துபாயில் நடந்த ஷம்சுல் இஸ்லாம் சங்கம் (SHISWA) மூன்றாம் ஆண்டு ஒன்றுகூடல்*

ஐக்கிய அரபு அமீரகம் 46 ஆவது தேசியதின விடுமுறை நாட்களில் அதிரை ஷம்சுல் இஸ்லாம் சங்க மஹல்லாவாசிகளின் ஒன்றுகூடல் (Get together) நிகழ்வு டிசம்பர்-2, 2017 (சனிக்கிழமை) ஏற்பாடு செய்யப்பட்டு இருந்தது.

காலை 9:00 மணி முதல் மாலை 6:00 மணி வரை இளைஞர்கள், பெரியவர்கள், பெண்கள் என அனைத்து வயது தரப்பினருக்கும் பல்வேறு பொழுதுபோக்கு மற்றும் விளையாட்டுப் போட்டிகள் தனித்தனியாக நடத்தப்பட்டன. (போட்டிகள் மற்றும் பரிசு வென்றோர் விபரம் தனிசெய்தியில் காண்க)

மதியம் தமிழக சுவையுடன் தரமான உணவும், மாலை தேநீரும் வழங்கப்பட்டன. உள்நாடு மற்றும் பிற நாடுகளிலிருந்தும் ஊர் பிரமுகர்கள் கலந்து அமெரிக்கா. ஆஸ்திரேலியா, பஹ்ரைன் மற்றும் இந்தியாவிலிருந்தும் சிறப்பு பரிசுகள் ஸ்பான்சர் செய்யப்பட்டு நிகழ்வில் கலந்து கொண்டோருக்குப் போட்டிகள் மூலமும் குலுக்கல் மூலமும் வழங்கப்பட்டன. (பரிசுகள் வழங்கியோர் மற்றும் வென்றோர் விபரம் தனி செய்தியில் காண்க).

அமீரகம் வாழ் மூத்த மஹல்லாவாசிகள் மற்றும் அமீரக, இந்திய தொழிலதிபர்கள், தொழில் முனைவோரும் மஹல்லாவாசிகளை வைத்து போட்டிகளில் வென்றோருக்குப் பரிசுகள் வழங்கப்பட்டன.

நிகழ்ச்சியில் கலந்து கொண்டவர்களின் பெயர் விபரங்களை குலுக்கிப்போட்டு முறையே ஒரு பவுன், முக்கால் பவுன், அரை, கால் பவுன் தங்கக் காசுகள் எட்டுபேருக்கு தேர்ந்தெடுக்கப்பட்டு வழங்கபட்டன.

நிகழ்ச்சிக்கு ஐக்கிய அரபு குடியரசின் பல்வேறு பகுதிகளில் வசிக்கும் ஷம்சுல் இஸ்லாம் சங்கத்திற்கு உட்பட்ட சுமார் 300 பேர் கலந்து கொண்டனர். இவர்களில் நூறுக்கும் மேற்பட்டோர் குடும்பத்தினருடன் கலந்து கொண்டனர்.

நிகழ்ச்சிகள் குர்ஆன் கிராஅத்துடன் தொடங்கி நன்றியுரையுடன் இனிதே நிறைவுற்றன.

Sent from my iPhone

சம்சுல் இஸ்லாம் சங்கத்தில் குழந்தைகளுக்கான ஆதார் முகாம்!

அதிரை சம்சுல் இஸ்லாம் சங்கம் சார்பாக நாளை 02-12-2017 காலை 5 வயதுக்கு உட்பட்ட குழந்தைகளுக்கு புதிதாக ஆதார் அட்டை எடுக்க சங்க வளாகத்தில் ஏற்ப்பாடு செய்துள்ளனர்.

வாய்ப்பை நழுவ விடாமல் பயன்படுத்தி கொள்ளவும்.

Sent from my iPhone

அதிரை பேரூராட்சியில் 2 அம்ச கோரிக்கை மனுக்களை வழங்கிய சம்சுல் இஸ்லாம் சங்கத்தினர்!

கோரிக்கை 1:

அதிரை மக்களின் குடிநீர் தேவையை பூர்த்தி செய்து வரும் 10 லட்சம் லிட்டர் மற்றும் 5 லட்சம் லிட்டர் கொள்ளளவு கொண்ட நீர்த்தேக்க தொட்டிகளின் முக்கிய நீர் ஆதாரமாக காட்டுக்குளம், ஆலடிக்குளம், செக்கடிக்குளம் ஆகியவை இருந்து வருகின்றன. இந்த நிலையில்  கடந்த சில ஆண்டுகளாக இந்த குளங்கள் முழுமையாக நிரம்பாததன் காரணமாக போர்வெல்லில் நீர்மட்டம் குறைந்துள்ளதுடன் நிலத்தடி நீரும் தொடர்ந்து கீழ் சென்று வருகின்றது. இதையடுத்து காசரா ஏரியில் உள்ள நீரேற்று பம்பிங் லைன் மூலம் அதிரை குளங்களுக்கு தண்ணீர் திறந்துவிடக்கோரி அதிரை நிர்வாக அதிகாரியிடம் சம்சுல் இஸ்லாம் சங்கத்தினர் கோரிக்கை மனுவை வழங்கினர். 

கோரிக்கை 2:

அதே போன்று இமாம் ஷாபி பள்ளி மற்றும் இஜாபா பள்ளி அருகாமையில் உள்ள மழை நீர் வடிகாலில் குப்பைகள் மற்றும் கழிவு நீர் சேர்வதால் அந்த பகுதிகள் துர்நாற்றம் வீசி வருவதாகவும், இதனை கட்டுப்படுத்த மழை நீர் வடிகாலை பேரூராட்சி சுத்தம் செய்து தர வேண்டும் என பேரூராட்சி செயல் அலுவலரிடம் மனு வழங்கி கோரிக்கை விடுத்தனர். இந்த மனுக்களை சம்சுல் இஸ்லாம் சங்க இளைஞர் அமைப்பின் தலைவர் அஹமது அனஸ், செயலாளர் முஹம்மது சலீம், துணை தலைவர் மரைக்கா இத்ரீஸ் உள்ளிட்ட சம்சுல் இஸ்லாம் சங்க நிர்வாகிகள் வழங்கினர்.

Sent from my iPhone

அமீரகம்வாழ் சம்சுல் இஸ்லாம் சங்க ஒன்று கூடல் (Get together) பரிசுகள் விபரம்.

இன்ஷா அல்லாஹ் எதிர்வரும் சனிக்கிழமை, டிசம்பர்-2, 2017 ஷம்சுல் இஸ்லாம் சங்கம் (SHISWA) அமீரக கிளை சார்பில் துபாய் முஷ்ரிஃப் பூங்காவில் (Mushrif Park) நடைபெற இருக்கும் ஒன்று கூடல் (Get together) நிகழ்வில் அமீரகம்வாழ் சம்சுல் இஸ்லாம் சங்க மஹல்லாவாசிகளுக்கான பல்வேறு போட்டிகள் நடைபெற இருப்பதை அறிவித்திருந்தோம். அவற்றில் பலரும் ஆவலுடன் எதிர்பார்த்த தங்கக்காசு (Gold Coins) பரிசுகள் குலுக்கல் முறையில் தேர்ந்தெடுக்கபட உள்ளன.

அவற்றின் விபரம் வருமாறு:

முதல் பரிசு: Gold Coin, ஒரு பவுன் (ஒருவருக்கு)

இரண்டாம் பரிசு - Gold Coin, முக்கால் பவுன் (ஒருவருக்கு)

மூன்றாம் பரிசு - Gold Coin, அரை பவுன் (ஒருவருக்கு).

ஆறுதல் பரிசு - Gold Coin, கால் பவுன் (ஒருவருக்கு)

இவைகள் தவிர நவம்பர் 30 மற்றும் டிசம்பர்-1 துபாய் அல் மனார் செண்டரில் நடைபெறும் இஸ்லாமிய மார்க்க நிகழ்ச்சியிலிருந்து சில கேள்விகள் கேட்கப்பட்டு, சரியான விடை சொல்லும் ஒருவருக்கு கால் பவுன் தங்கக்காசு(Gold Coin) சிறப்புப் பரிசாக வழங்கப்படும்.

ஆகவே, சம்சுல் இஸ்லாம் சங்கம் மஹல்லாவாசிகள் காலம் தாழ்த்தாமல் காலை 9-மணிக்குள் நிகழ்ச்சி நடைபெறும் முஷ்ரிஃப் பூங்காவிற்க்கு (Mushrif Park) வருகை தந்து நிகழ்ச்சிகள் திட்டமிட்டபடி சிறப்பாக நடைபெற ஒத்துழைக்கும்படி அன்புடன்
கேட்டுக் கொள்கிறோம்.

குறிப்பு:

1) வாகன வசதி இல்லாத நமது சங்க மஹல்லா பேச்சிலர்களுக்கு (Bachelors) மட்டும் துபாய் தேரா-வெஸ்ட் ஹோட்டல் அருகிலிருந்து வாகன வசதி செய்யத் திட்டமி்ட்டுள்ளதால் நாளைக்குள் (30-11-2017 வியாழன் இரவு 8:00 மணிக்குள்) முன்பதிவு செய்தவர்களுக்கு மட்டும் ஏற்பாடு செய்யப்படும் என்பதால் கிளை நிர்வாகிகளிடம் அதை உறுதி செய்துகொள்ளவும்.

2) அமீரகத்தில் விசிட்டில் வேலை தேடிக் கொண்டிருப்பவர்களுக்கும், நமது ஒன்றுகூடல் நிகழ்ச்சிக்காக வெளிநாடு மற்றும் தாயகத்திலிருந்து வந்திருப்பவர்களுக்கும் உணவு ஏற்பாடு செய்யப்பட்டு உள்ளது. தேவையுள்ளோர் துபாய் கிளை நிர்வாகிகளை தொடர்பு கொள்ளவும்.

இவண்,
ஷம்சுல் இஸ்லாம் சங்கம் (SHISWA) அமீரக கிளை
Sent from my iPhone

துபையில் சம்சுல் இஸ்லாம் சங்கம் (SHISWA) நடத்தும் விளையாட்டு போட்டிகளுக்கான அறிவிப்பு !

ஐக்கிய அரபு அமீரகம்  தேசியதின விடுமுறை அன்று (டிசம்பர்-2,2017 - சனிக்கிழமை)  துபாய் முஷ்ரிஃப் பூங்காவில் நடக்கும் ஷம்சுல் இஸ்லாம் சங்கத்திற்கு உட்பட்ட மஹல்லாவாசிகளுக்கான ஒன்றுகூடல் நிகழ்வில் பல்வேறு பொழுதுபோக்கு விளையாட்டு போட்டிகள் நடைபெற உள்ளன.

அதுகுறித்த விபரம் வருமாறு:

சிறார்/சிறுமி பிரிவு
1) முதுகில் பந்து சுமந்து ஓடுதல் (Back Ball Race)
2) சாக்கு ஓட்டம் (Sack race)
3) லெமன் & ஸ்பூன் (Lemon in Spoon Race)

குழந்தைகள் பிரிவு
4) சாக்லேட் சேமிப்பு (Chocolate Collection)
5) பிஸ்கட் கவ்வுதல் (Biscuit Bite)
6) சிப்ஸ் சாப்பிடுதல் (Cheese Ball Eating)

பெண்கள் பிரிவு
7) நூல் கோர்த்தல் (Needle & Thread)
8) ஆப்பில் தோலுரித்தல் (Apple Peeling)
9) கூடையில் பந்து வீசுதல் (Basket & Ball)

ஆண்கள் பிரிவு
10) கூடையில் பந்து வீசுதல் (Basket &  Ball)
11) 100 மீட்டர் ஓட்டம் (Running Race)

அனைத்து தரப்பினர்
12) மிஸ்டு கால் (Missed Call)

போட்டி விதிமுறைகள் அவ்வப்போது அறிவிக்கப்படும். ஒவ்வொரு பிரிவினருக்கும் தனித்தனியாக போட்டிகள் நடத்தப்படும்.

காலை 9:00 மணி முதல் விளையாட்டு போட்டிகள் தொடங்கி விடும் என்பதால் பூங்கா வளாகத்தில் நிகழ்ச்சி பொறுப்பாளர்களிடம் முன்பதிவு (Registration) செய்து கொள்பவர்கள் மட்டுமே அனுமதிக்கப்படுவர்.

இவண்,
ஷம்சுல் இஸ்லாம் சங்கம் (SHISWA) துபாய் கிளை

Sent from my iPhone

சங்க நிர்வாகிகள் ஏக மனதாக தேர்வு!!

இந்த சங்க விதியின் பிரகாரம் இரண்டாண்டுக்கு ஒருமுறை நிர்வாக தேர்வு சங்க உறுப்பினர்களின் ஆலோசனை பிரகாரம் நடைபெறும்.

அதன்படி இந்த தேர்வு பல சச்சரவுகளுக்கு மத்தியில் மசூராவின் பிரகாரம் தேர்வு செய்வது என்பது முடிவானது அதன் பின் முறையான அறிவிப்பு இன்று வெளியானது அதில்.

தலைவராக சிக்கன் டிக்கா அபூபக்கர் அவர்களும், செயலாளராக பேராசிரியர் காதர் அவர்களும், பொருளாளராக அகமது கபீர் அவர்களையும் நியமனம் செய்து உள்ளனர்.

Sent from my iPhone

அதிரையின் சுகாதாரத்திற்கு கூடுதல் கவனம் செலுத்த ஆனையிட வேண்டும்.

அதிராம்பட்டினம் ஷம்சுல் இஸ்லாம் சங்கம் சார்பாக நம் ஊரின் சுற்றுச்சூழல், அவல நிலையை போக்க வலியுறுத்தி சென்னை குரலகத்தில் அமைந்திருக்கும் பேரூராட்சி இயக்குனர்  IAS அதிகாரி அவர்களிடம் முன்னாள்  சேர்மன்,SH அஸ்லம், அதிமுக சிறுபான்மை அணி தலைவர் அப்துல் அஜீஸ் உள்ளிட்ட அதிரைவாசிகள் ஒன்று கூடி மனு அளித்தனர்.

 அதில் அதிரையிலேயே அதிகமாக வருவாய் தரக்கூடிய பகுதி நம் சங்க பகுதியாகும் என்பதை சுட்டிக்காட்டப்பட்டுள்ளது.

குப்பை கூலங்கள் அகற்றுவதில் பேரூராட்சி மெத்தன போக்காக செயல்படுகின்றது எனவும், இதனால் அதிரையில் டெங்குவின் தாக்கம் அதிகரிக்கப்பட்டுள்ளது என தெரிவிக்கபட்டுள்ளது டெங்குவை ஒழிக்ககொசு ஒழிப்பு அவசியம் என அதில் தெரிவிக்கபட்டுள்ளது.

மேலும்பேரூராட்சி துப்புரவு பணியாளர்கள் அதிகரிக்க வேண்டியும்.
இப்படி பல விஷயங்கள் அந்த மனுவில் தெரிவிக்கப்பட்டுள்ளது

Thank 

Adirai Xpress 

Sent from my iPhone

சங்கத்தின் புதிய நிர்வாகிகள் தேர்வு மற்றும் பொதுகுழு கூட்டம் அறிவிப்பு..!

சங்கத்தின் புதிய நிர்வாகிகள் தேர்வுக்கான தேர்தல் தேதி மற்றும் பொதுக்குழு கூட்டம் பற்றி செய்தி வெளியிடப்பட்டட்டுள்ளது.இதில் சம்சுல் இஸ்லாம் சங்கத்தின் தற்போதைய மூன்றாண்டு பதவிக்காலம் வருகிற 15/08/2017 அன்றுடன் முடிவடைகிறது.இதையடுத்து , கீழ்க்கண்ட பதவிகளுக்கு புதிய நிர்வாகிகள் தேர்தெடுக்க சங்கத்தின் பொது குழு கூட்டம் வருகிற 05/09/2017 அன்று மாலை 4:30மணிக்கு நடைபெறவுள்ளது.இந்த பொதுக்குழு கூட்டத்தில்  முஹல்லாகளில் உள்ள சங்க நிர்வாகிகள் கலந்துகொண்டு புதிய நிர்வாகிகளை தேர்தெடுக்கம் படி அன்போடு சம்சுல் இஸ்லாம் சங்கம் சார்பில் கேட்டுக்கொள்ளப்பட்டது.

1.தலைவர்
2.துணைத்தலைவர்
3.செயலாளர்
4.துணை செயலாளர்
5.பொருளாளர்

மேற்கண்ட பதவிகளுக்கு போட்டிட விருப்பம் உள்ள சங்க சங்க முஹல்லாவாசிகள்  தங்களது விருப்ப மனுவை  03/09/2017 தேதிக்குள் சங்கத்தில் அளிக்கும்படி கேட்டுக்கொள்ளப்பட்டது.

Thank 
Adiraixpress

சம்சுல் இஸ்லாம் சங்கம் சார்பில் இந்திய சுதந்திர தின விழாக் கொண்டாட்டம் (படங்கள்)

அதிராம்பட்டினம், ஆக. 15
இந்தியாவின் 71 வது சுதந்திர தினம் நாடெங்கிலும் இன்று உற்சாகமாகக் கொண்டாடப்படுகிறது. இதையொட்டி தஞ்சாவூர் மாவட்டம், அதிராம்பட்டினம் புதுமனைத் தெருவில் அமைந்துள்ள சம்சுல் இஸ்லாம் சங்கம் சார்பில் சுதந்திர தின விழா செவ்வாய்க்கிழமை காலை உற்சாகமாகக் கொண்டாடப்பட்டது.

விழாவிற்கு தலைமை வகித்த சங்கத் தலைவர் ஹாஜி அபுல் ஹசன் இந்திய தேசிய கொடியை ஏற்றி வைத்தார். சங்கச் செயலர் பேராசிரியர் எம்.ஏ முஹம்மது அப்துல் காதர் சுதந்திர தின விழா பேருரை நிகழ்த்தினார். மேலும் முன்னாள் தலைமை ஆசிரியர் எஸ்.கே.எம் ஹாஜா முகைதீன், அதிராம்பட்டினம் காவல் நிலைய உதவி ஆய்வாளர் சுந்தர்  ஆகியோர் சுதந்திர தின விழா உரை நிகழ்த்தினார்.

முன்னதாக சம்சுல் இஸ்லாம் இளைஞர் சங்கத் தலைவர் அகமது அனஸ் வரவேற்றார். விழா முடிவில் எம்.எப் முஹம்மது சலீம் நன்றி கூறினார். இந்நிகழ்ச்சியில் சிறப்பு அழைப்பின் பேரில் பேராசிரியர் கே. செய்யது அகமது கபீர், சம்சுல் இஸ்லாம் சங்க நிர்வாகிகள், இளைஞர் சங்க நிர்வாகிகள், சம்சுல் இஸ்லாம் சங்க முஹல்லாவாசிகள் உள்ளிட்ட ஏராளமானோர் கலந்துகொண்டனர். அனைவருக்கும் இனிப்பு வழங்கப்பட்டது.

 

Thank 

Adirainews 

Sent from my iPhone

முதல் முறையாக ஷம்சுல் இஸ்லாம் சங்கம் தேசிய கொடியேற்றம்

நமது திருநாட்டின் 71வது சுதந்திர தின விழா ஷம்சுல் இஸ்லாம் சங்க வளாகத்தில் இன்ஷா அல்லாஹ் வரும் ஆகஸ்ட் 15 தேதி செவ்வாய்க்கிழமை காலை 7.30 மணிக்கு தேசிய கொடியேற்றி கொண்டாடப்படுகிறது.

இந்த நிகழ்ச்சியில் கலந்துகொள்ள அணைத்து முஹல்லாவாசிகளையும் ஷம்சுல் இஸ்லாம் சங்கம் மற்றும் சங்க இளைஞர் அமைப்பு அன்புடன் அழைக்கிறது.

Fwd: சம்சுல் இஸ்லாம் சங்கம் நடத்திய இஃப்தார் நிகழ்ச்சி

அதிராம்பட்டினம், ஜூன் 23
தஞ்சாவூர் மாவட்டம், அதிராம்பட்டினம் சம்சுல் இஸ்லாம் சங்கம் சார்பில் இஃப்தார் எனும் நோன்பு திறக்கும் நிகழ்ச்சி வெள்ளிக்கிழமை மாலை சங்க அலுவலக வளாகம் மற்றும் செக்கடிப் பள்ளி வளாகத்தில் நடைபெற்றது.

எம்.எஸ் ஷஹல் கிராத் ஓதி நிகழ்ச்சியை தொடங்கி வைத்தார். நிகழ்ச்சிக்கு சம்சுல் இஸ்லாம் சங்க முன்னாள் துணைத் தலைவர் எம்.எஸ் சிஹாபுதீன் தலைமை வகித்தார். சம்சுல் இஸ்லாம் சங்க செயலர் பேராசிரியர் எம்.ஏ முஹம்மது அப்துல் காதர் தனது சிறப்புரையில், சங்கத்தின் கடந்த கால வரலாறு, ஆற்ற வேண்டிய பணிகள் மற்றும் ரமலான் சிறப்புகள் குறித்து பேசினார். 'சிஷ்வா' குறித்து அறிமுக உரையை அவ்வமைப்பின் துபாய் பொறுப்பாளர் ஜமாலுதீன் நிகழ்த்தினார்.

தொடக்கத்தில், சம்சுல் இஸ்லாம் இளைஞர் சங்க செயலர் எம்.எஃப் முஹம்மது சலீம் ஆண்டரிக்கை வாசித்தார். இதில் சங்கம் கடந்த ஓராண்டில் ஆற்றிய சேவை, செயல்பாடுகள் குறித்து பட்டியலிட்டார். முடிவில் மவ்லவி ஹாபிழ் ஏ.எல் ஹாரூன் சிறப்பு துஆ ஓதினார்.

இந்நிகழ்ச்சியில், சம்சுல் இஸ்லாம் சங்க மஹல்லாவாசிகள் 600 க்கும் மேற்பட்டோர் கலந்துகொண்டனர். அனைவரையும் சம்சுல் இஸ்லாம் இளைஞர் சங்க நிர்வாகிகள் வரவேற்று உபசரித்து மகிழ்ந்தனர்.

Thank you

Adirai News

Sent from my iPhone

சங்க மஹல்லாவாசிகள் இஃப்தார் நிகழ்ச்சி

அஸ்ஸலாமு அலைக்கும்(வரஹ்)

கண்ணியமிக்க ஷம்சுல் இஸ்லாம் சங்க மஹல்லாவாசிகள் அனைவருக்கும் வருகின்ற 23/6/2017 வெள்ளிக்கிழமை 27வது நோன்பு அன்று ஷ.இ.சங்கம் சார்பாக, சங்க வளாகத்தில் இஃப்தார் நிகழ்ச்சி நடைபெற உள்ளது அனைவரும் தவறாது கலந்துகொண்டு சிறப்பிக்க வேண்டுகிறோம்

துவக்க நேரம் மாலை. 5 மணி

நிகழ்வுகள்;

1. உறுப்பினர்கள் சேர்க்கை

2. சங்க செயலாளர் விளக்க உரை

3. சிஸ்யாவின் ஆண்டரிக்கை வாசிப்பு

4. சிஸ்வா அறிமுகம் மற்றும் உறுதி மொழி உரை.

5. இஃப்தார் நிகழ்வு

இங்கனம்

ஷம்சுல் இஸ்லாம் சங்கம்(SIS)

ஷம்சுல் இஸ்லாம் சங்க இளைஞர் அமைப்பு (SISYA)

ஷம்சுல் இஸ்லாம் சங்க வெல்பேர் அசோசியேசன்(SHISWA)

அதிராம்பட்டினம் மரணஅறிவிப்பு

துபாய் நூர் இல்லம் ஸ்டேசனரி மேலாண்மை இயக்குநர் நமதூர்

அல்ஹாஜ் ஷேக் தாவூத் ( வயது 65 )

அவர்கள் இன்று 13.09.2015 ஞாயிற்றுக்கிழமை மாலை 3.30 மணியளவில் இறைவனிடி சேர்ந்தார்கள்.

இன்னாலில்லாஹி வ இன்னா இலைஹி ராஜிவூன்

இன்ஷா அல்லாஹ் அன்னாரின் ஜனாஸா நாளை 14.09.2015 திங்கட்கிழமை துபாயில்  மஃக்ரிப்புக்க பிறகு அல்குஸ் சேக் ஜாயித் ரோடு ஓயசிஸ் பின்புறம் உள்ள மையவாடியில் நல்லடக்கம் செய்ய ஏற்பாடுகள் செய்யப்பட்டுவருகின்றன. சம்சுல் இஸ்லாம் சங்கம் மஹல்லா வாசிகள் அனைவரும் கலந்துக்கொள்ளுங்கள்.

அன்னாரது மஃபிரத்துக்கு துஆச் செய்யவும்.

தொடர்புக்கு : இஸ்லாமுதீன் : 050 20 49 217

சம்சுல் இஸ்லாம் சங்கம் செயலாளராக பேராசிரியர் முஹம்மது அப்துல் காதர் போட்டியின்றி தேர்வு !

சம்சுல் இஸ்லாம் சங்கத்தின் அவசர பொதுக்குழு கூட்டம் இன்று [ 19-08-2015 ] காலை சங்க அலுவகலத்தில் நடைபெற்றது. கூட்டதிற்கு சம்சுல் இஸ்லாம் சங்கத்தலைவர் ஹாஜி முஹம்மது ஹசன் தலைமை வகித்தார். சங்க துணை செயலாளர் 'நாவலர்' நூர் முஹம்மது, பொருளாளர் ஆடிட்டர் ஹாஜி அப்துல் ஜலீல் ஆகியோர் முன்னிலை வகித்தனர்.

இந்த கூட்டத்தில் சிறப்பு அழைப்பாளராக அதிரை பேரூராட்சி தலைவர் எஸ்ஹெச் அஸ்லம் கலந்துகொண்டு ஆலோசனை வழங்கினார். கூட்டத்தில் சங்க நிர்வாகத்தில் காலியாக உள்ள செயலாளர் பொறுப்புக்கு புதிய நிர்வாகி தேர்ந்தெடுப்பது குறித்து விவாதிக்கப்பட்டன.

இதில் மஹல்லாவாசியும், காதிர் முகைதீன் கல்லூரி முன்னாள் முதல்வருமாகிய பேராசிரியர் எம். ஏ முஹம்மது அப்துல் காதர் அவர்கள், சங்கத்தின் செயலாளர் பொறுப்புக்கு போட்டியின்றி ஒரு மனதாக தேர்ந்தெடுக்கப்பட்டார். இதையடுத்து தாம் செயலாளர் பொறுப்புக்கு தேர்ந்தெடுக்கப்பட்டதற்கு அனைவருக்கும் நன்றி தெரிவித்துக்கொண்டார். இந்த கூட்டத்தில் சங்க பொறுப்பாளர்கள், மஹல்லாவாசிகள் பலர் கலந்துகொண்டனர்.

செய்தி மற்றும் படங்கள்:
நிஜாம் ( கல்லுக்கொல்லை)

 

நன்றி

 அதிரை நியூஸ்

ஷம்சுல் இஸ்லம் சங்கம் பொதுக்குழு கூட்டம்

அமீரகத்தில் ஓதப்படும் ஜும்மா உரை 24-07-15

கலவர சிந்தனையும் காழ்புணர்ச்சியும்!

அன்பிற்கினிய இஸ்லாமிய சகோதரர்களுக்கு,

அஸ்ஸலாமு அலைக்கும்,

ஏறத்தாழ அமீரகத்தில் AWQAF கட்டுப்பாட்டில் உள்ள 5000 பள்ளிவாசல்களில் நடத்தப்படும் ஜும் ஆ உரையின் தமிழாக்கம் இணைக்கப்பட்டுள்ளது..தொழுகைக்கு செல்லும் முன் படித்து விட்டுச் சென்றால் இமாம் பேசுவதை புரிந்து கொள்வது எளிதாக இருக்கும்.

இதனுடைய மொழிபெயர்ப்பை சில நாட்களுக்கு பின்  Awqaf வெப்சைட்டில் வெளியாகும் ஆங்கில பதிப்போடு சரிபார்த்துக் கொள்ளவும்.

.

எவரேனும், தம் தீச்செயலுக்காக மனம் வருந்தித் தம்மைச் சீர் திருத்திக் கொண்டால் நிச்சயமாக அல்லாஹ் (அவர் தவ்பாவை ஏற்று) மன்னிக்கிறான்; நிச்சயமாக அல்லாஹ் மிகவும் மன்னிப்போனாகவும், கருணையுடையோனாகவும் இருக்கின்றான். (அல் குர்ஆன் 5:39)

மனிதர்களே! உங்கள் இறைவனை அஞ்சுங்கள்! தந்தை மகனைக் காக்க முடியாத, மகன் தந்தையைச் சிறிதும் காப்பாற்ற இயலாத நாளை  அஞ்சுங்கள்! அல்லாஹ் வின் வாக்குறுதி உண்மையானது. இவ்வுலக வாழ்க்கை உங்களை ஏமாற்றி விட வேண்டாம்! ஏமாற்றுபவனும் அல்லாஹ்வைப் பற்றி உங்களை ஏமாற்றி விட வேண்டாம்.

ஜஸாக்கல்லாஹூ கைர்..